Plantun de Prouvènço

Pèr coumpara dos planto d'encò nostre

Helianthemum canum & Campanula rotundifolia subsp. macrorhiza

Helianthemum canum

Cistaceae

Noms en français : Hélianthème blanc, Hélianthème des chiens.

Descripcioun :
Aquesto massugueto di flour jauno trachis dins la garrigo e li relarg roucassous. Li fueio an ges d'estipulo. Pèr la destria de Helianthemum italicum fau bèn regarda lou dessouto di fueio qu'èi blanc que i'a un mouloun de péu estela (fotò). Au contro Helianthemum italicum a pas jamai de péu estela. Coumpara emé la massugueto-d'Itàli e peréu lis àutri massugueto di flour jauno.

Usanço :
Li massugueto èron acampado en Espagno pèr la farmacìo tradiciounalo e soun couneigudo pèr lucha contro li microbe (poulifenòu).

Port : Pichoto planto lignouso
Taio : 5 à 30 cm
Fueio : alterno
Tipe bioulougico : Camefite
Cicle bioulougico : Planto renadivo

Gènre : Helianthemum
Famiho : Cistaceae

Ordre : Malvales

Coulour de la flour : Jauno
Petalo : 5
Ø (o loungour) flour : 8 à 16 cm
Flourido : Printèms

Sòu : Ca
Autour basso e auto : 0 à 2200 m
Aparado : Noun
Mai à jun

Liò : Garrigo - Roucaio - Tepiero seco
Estànci : Termoumediterran à Aupen
Couroulougi : Éurimediterranenco
Ref. sc. : Helianthemum canum (L.) Baumg., 1816 (= Helianthemum oelandicum subsp. incanum (Willk.) G.López, 1992 )

Campaneto(-di-fueio-redouno)

Campanula rotundifolia subsp. macrorhiza

Campanulaceae

Autre noum : Campanello(-di-fueio-redouno).

Nom en français : Campanule à grosses racines.

Descripcioun :
Aquesto campaneto èi coumuno en basso Prouvènço. A dos meno de fueio, aquéli d'en bas (pas toujour aqui quouro flouris) soun redouno emé un pecou, e li d'en aut primo. La subsp. macrorhiza, que trachis tipicamen dins li pertus de paret e roucas, a uno racino mai espesso que la subsp. rotundifolia.

Usanço :
Es uno planto manjadisso. La racino sèmblo apasima li doulour.